Борбордук шайлоо комиссиясы бүгүн Мадумаровдун иши боюнча Биринчи май райондук сотунун ѳкүмүн аткаруу маселесин карап чыгып, Адахан Мадумаровду мандатынан ажыратуу чечимине келди.
БШКнын төрайымы Нуржан Шайлдабекова Консититуциянын 79-беренесинде «Жогорку Кеңештин депутатынын ыйгарым укуктары мөөнөтүнөн мурда токтотулат, эгерда ага карата соттун айыптоо өкүмү мыйзамдуу күчүнө кирсе» деген норма бар экенин белгилеп, Бишкектин Биринчи май райондук сотунун ѳкүмүн аткаруу боюнча токтомду добушка койду.
Аны Боршайкомдун 12 мүчөсүнүн баары бир добуштан колдоп, натыйжада Мадумаровду мандатынан ажыратуу чечими кабыл алынды.
