Агартуу министрлиги 9-классты аяктап жаткандарга күбөлүк, ал эми 11-класстын бүтүрүүчүлөрүнө аттестат тапшырыларын билдирди.
Маалым болгондой, аталган күнү республиканын бардык жалпы билим берүү уюмдарында 9-класстын бүтүрүүчүлөрүнө негизги жалпы билим жөнүндө күбөлүк, ал эми 11-класстын бүтүрүүчүлөрүнө орто жалпы билим жөнүндө аттестат тапшырылат.
Ошондой эле менчигинин түрүнө жана статусуна карабастан республиканын бардык жалпы билим берүү уюмдарынын жетекчилерине иш-чараны өткөрүү үчүн ар кандай акча каражаттарын чогултууга, бүтүрүүчүлөргө жана алардын ата-энелерине көрсөтүлгөн иш-чарадан тышкары кошумча иш-чараларды уюштурууга тыюу салынат.
