Кыргызстанда 110 миңден ашуун бала 1-класска катталды. Бул тууралуу 1mektep.edu.gov.kg порталындагы ачык маалыматтарда айтылат.
Маалыматка ылайык, Бишкек шаарында 22 миңге жакын бала мектепке кабыл алынган. Анын ичинен 11,4 миң орун кыргыз тилдүү класстарга, ал эми 10,4 миңден ашыгы орус тилдүү класстарга берилген. Борбор калаада дагы 4,5 миңдей бош орун бар.
Өлкө боюнча 2026/2027-окуу жылына жалпысынан 192,3 миң квота каралган. Учурда 82 миң орун бош бойдон калууда.
1-класска электрондук каттоо 1-апрелде башталган. Алгачкы этап микроаймак боюнча жүргүзүлсө, азыр каттоону жашаган дарегине карабай бош орун бар мектептерге жүргүзүүгө болот.
1-класска 2019 жана 2020-жылы төрөлгөн балдар кабыл алынат.
