Чүйдүн Аламүдүн районунда 73 жаштагы кишини өлтүрүүгө шектелип кошунасы кармалды. Бул тууралуу облустук милициядан кабарлады.
24-октябрь күнү баштан-аяк электр зымы менен таңылган А.Д. аттуу кишинин сөөгү Бер-Булак айылындагы үйдөн табылган. Ал октябрь айынын башында үйүн 60 миң долларга сатып, акчасын 28 жаштагы кошунасына «сактап тур» деп берген. Бирок коңшусу каражаттын баарын коротуп салгандыктан аны өлтүрүүнү чечкен.
Бул факт каттоого алынып, кылмыш иши козголгон. Ыкчам-издөө иштеринин натыйжасында маркумдун кошунасы кармалып, убактылуу кармоочу жайга киргизилген. Шектүү «Адам өлтүрүү» беренеси боюнча айыпталды.
