Жол кыймылынын коопсуздугун камсыздоо башкы башкармалыгы Президенттин Жарлыгына ылайык чет өлкөлүк мамлекеттик каттоо белгилери бар транспорт каражаттарын мыйзамдаштыруу мөөнөтү 2026-жылдын 1-сентябрына чейин узартылганын маалымдайт.
Айып короолорунда турган автоунаалардын ээлери транспорт каражаттарын алып чыгып, аймактык ЖКККББ бөлүмдөрүнө кайрылуу аркылуу мыйзамдаштыруу жол-жобосунан өтө алышат.
Мыйзамдаштыруудан мурда бардык айып пулдар жана милдеттүү төлөмдөр толук төлөнүүгө тийиш. Ошондой эле айып короолорунда сакталган автоунаалар үчүн жеңилдетилген тариф каралган: бир суткага төлөм 50 сомду түзөт жана жалпы эсептелген суммадан 50 пайыздык жеңилдик берилет.
Жарандарды мыйзамдаштыруу мөөнөтүн өткөрүп жибербөөгө жана берилген мүмкүнчүлүктөн өз убагында пайдаланууга чакырат.
Посмотреть эту публикацию в Instagram
