Чоң Чүй каналынан табылган белгисиз адамдын жансыз денесинин өздүгүн тактоо иштери жүрүп жатат. Бул тууралуу ИИМден билдиришти.
24-мартта Чоң Чүй каналынын Көлбаев көчөсүндө баш мээсинен жаракат алып, күч колдонулган белгилер байкалган болжолдуу жашы 35-40 жаштагы белгисиз адамдын жансыз денеси табылгандыгы маалым болгон.
Аталган факты боюнча кылмыш иши козголуп, эркек адамдын жансыз денесинин өздүгүн аныктоо иш чаралары жүргүзүлүүдө.
Өзгөчө белгилери: бою болжол менен 170-175 см, арык денелүү, бети тегерек.
Кийген кийимдери: кызыл түстөгү свитер, ак футболка, көк түстөгү спорттук шым.
Маркумдун өздүгү такталбай жаткандыктан, кандайдыр бир маалыматка ээ болгон жарандар, төмөнкү номурлары аркылуу кайрылса болот: 0312 26-63-17, 0550 252-589, 0700 355-587.
