Нью-Йорктогу Сomex товардык биржасында алтын менен күмүштүн баасы кайрадан жогорулады. Бул тууралуу Азертадж агенттиги маалымдады.
Акыркы сооданын жыйынтыгында алтындын бир трой унциясынын баасы 31,5 долларга өсүп, 4 037,2 долларды түздү. Ал эми күмүштүн бир трой унциясы 0,62 долларга кымбаттап, 58, 59 долларга жетти.
Адистердин айтымында, дүйнөлүк экономикадагы белгисиздик жана туруксуздук инвесторлордун алтын менен күмүшкө болгон кызыгуусун арттырууда. Натыйжада бул баалуу металлдар коопсуз инвестициялык актив катары суроо-талапка ээ болууда.
