Жеке адамдар тарабынан «vibish.com» интернет сайты аркылуу интимдик кызмат көрсөтүүчү сойкукана аныкталды. Бул тууралуу УКМК билдирет.
16-майда жүргүзүлгөн ыкчам-издөө иш-чараларынын жүрүшүндө М.К.Ш аттуу жаран шектүү катары кармалып, Бишкек ШИИБнин убактылуу кармоочу жайына киргизилди. Ал сойкукана уюштуруу боюнча кылмыш ишинин мурда жеткиликтүү болгон материалдарында негизги айыпталуучулардын бири болуп, тергөөдөн жашырынып жүргөн. Ошол эле учурда ал сотто көрсөтмөлөрдү бурмалоо менен кылмыштагы шеригин актоо үчүн башка күбөлөрдү да жашырган.
Тергөөнүн жүрүшүндө жарандарды эркинен тышкары күч колдонуп кармап, ур-токмокко алып, денесине залал келтирем деп коркуткандыгы тууралуу да маалыматтар алынган.
УКМК сойкулукка тартуу жана интимдик жайларды уюштуруу боюнча мыйзамга ылайык кылмыш жоопкерчилиги каралганын эскертет.
