Бүгүн, жыйында айрым мамлекеттердин жарандары үчүн 60 күнгө чейинки мөөнөткө визасыз режим киргизүү жөнүндө каралды. Бул тууралуу Жогорку Кеңештин Басма сөз кызматы билдирди.
Маалыматка ылайык, жыйында белгилүү болгондой мыйзам долбоордун негизги максаты КРнын туристтик жагымдуулугун арттыруу, ошондой эле өлкөнүн чет өлкөлөрдөгү туристтик имиджин жакшыртуу экенин белгилеп, 60 күнгө чейинки мөөнөткө визасыз киргенге уруксат берилген өлкөлөрдүн тизмесине кошумча тогуз өлкөнү кошуу менен кеңейтүү сунушталды.
Алар:
- Албания Республикасы,
- Болгария Республикасы,
- Вьетнам Социалисттик Республикасы,
- Израиль Мамлекети,
- Кипр Республикасы,
- Түндүк Македония Республикасы,
- Румыния Республикасы,
- Таиланд Королдугу,
- Мексикалык Кошмо Штаттары.
Талкуудан соң мыйзам долбоору үчүнчү окууда добуш берүүгө жөнөтүлдү.
