Бүгүн, Жогорку Кеңештин жыйынында депутат Русланбек Жакышов Бишкекте акыркы убакта жылыш жок экендигин айтты.
«Бишкекте акыркы убакта жылыш жок, уктап калгандай сиз буга чейин Бишкек шаарынын мэрин 3 айлык мөөнөт менен алып келдик, жол тыгынын чечпесе, анда кызматтан кетет дедиңиз эле. 3 ай эмес, 6 ай болуп калды. Мурда «час пик» учурунда гана жол тыгын болсо, азыр эртеден кеч жол тыгын болуп жатат. Жол тыгынын чечмек турсун, бул мэр аны күчөтүп салды. Буга кандай чара колдонсо болот?» — деди депутат.
Акылбек Жапаров Бишкектин мэри Айбек Жунушалиев сунуштарын бергенин жана аны жактырганын айтып, Бишкектеги жол тыгыны жакынкы 3 жыл ичинде чечилээрин билдирди.
