Диний-экстремисттик идеологияны жайылтып жүргөн чет элдик жаран кармалды. Бул тууралуу УКМКнын басма сөз кызматы билдирди.
Маалыматка ылайык, ушул жылдын 8-сентябрында УКМК тарабынан 2018-жылдан бери Кыргызстандын аймагында мыйзамсыз жүргөн жана мыйзамсыз диний-экстремисттик идеологияны жайылтып жүргөн чет мамлекеттин жараны Ч.Д.Д. кармалды.
Аталган факты Кылмыштардын бердиктүү реестрине катталган сотко чейинки өндүрүштүн алкагындагы Кылмыш-жаза кодексинин 331-беренесинин 5-бөлүгү (Экстремисттик уюмду түзүү жана каржылоо) боюнча катталган.
Тинтүү иштердин натыйжасында анын убактылуу жашаган жеринен ноутбуктар, электрондук алып жүрүүчүлөр, банк карталары, көп сандагы телефондор жана сим-карталар, ошондой эле тергөөгө тиешелүү материалдар табылып алынды.
Азыркы учурда кармалган шектүү УКМК тергөө камак жайынын убактылуу кармоо жайына киргизилип, тергөө иштери жүргүзүлүүдө.