7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Июль 2024
Пн Вт Ср Чт Пт Сб Вс
1234567
891011121314
15161718192021
22232425262728
293031  
  • social_icon
  • social_icon
  • social_icon
  • social_icon

ЕАЭБге 10 жыл. Президент биримдикке мүчө мамлекеттердин жарандарын куттуктады

167

Президент Садыр Жапаров бүгүн, 29-майда, Евразия экономикалык бирлигине мүчө мамлекеттердин жарандарын, Евразия экономикалык комиссиясынын, Бирликтин мамлекеттик органдарынын кызматкерлерин, бизнес-коомчулуктун өкүлдөрүн Келишимге кол коюлгандыгынын 10 жылдыгы менен куттуктады.

“Бүгүн, 2024-жылдын 29-майында Евразия экономикалык бирлиги жөнүндө келишимге кол коюлганына 10 жыл толду. Бул 10 жылдын ичинде Евразия экономикалык бирлиги ага катышуучу өлкөлөр үчүн гана эмес, дүйнөдөгү башка өнөктөштөр үчүн да туруктуулуктун символу, өз ара пайдалуу кызматташтыктын үлгүсү болуп калды. Биз биргелешип кыйынчылыктарды жеңүүгө, татаал экономикалык маселелерди чечүүгө аракет кылдык, жыйынтыгында Бирлик дүйнөдөгү интеграциялык бирикмелердин түзүмүндө өзүнүн татыктуу ордун тапканын көрүп жатабыз. Биргелешкен аракетибиздин аркасында биз маанилүү долбоорлорду жана демилгелерди иштеп чыгып, ишке ашыра алдык. Ошол эле убакта, ЕАЭБ алкагында 2030-жылга чейин жана 2045-жылга чейинки мезгилге «Евразия экономикалык жол» экономикалык процесстерин андан ары өнүктүрүү жөнүндө декларацияны сапаттуу жана өз убагында ишке ашырууга чоң маани берилет.

Кыргыз Республикасы Бирликтин идеяларына, максаттарына жана принциптерине берилгендигин сактап, Бирликтин мүчө-мамлекеттеринин ортосундагы өз ара пайдалуу кызматташтыкты ишке ашыруу үчүн бардык күч-аракетин жумшайт. Учурдан пайдаланып, Евразия экономикалык бирлигине мүчө мамлекеттердин жарандарын, Евразия экономикалык комиссиясынын, Бирликтин мамлекеттик органдарынын кызматкерлерин, бизнес-коомчулуктун өкүлдөрүн ушул маанилүү дата менен куттуктайм. Биздин өлкөлөргө өсүп-өнүгүүнү жана туруктуулукту, ошондой эле Евразия экономикалык бирлигине мүчө мамлекеттердин жарандарынын жашоо деңгээлин ырааттуу жогорулатууга багытталган натыйжалуу экономикалык өз ара аракеттенүүнү чын дилимден каалайм”,- деди өлкө башчы.

168