Бүгүн, парламенттин жыйыны өтүп жатат. Анда, Министрлер кабинетинин төрагасынын орун басары Эдил Байсалов депутаттардан кечирим сурады.
«Менин дарегиме айтылган сынды кабыл алам. Бул боюнча Жогорку Кеңештин конституциялык укуктарына жана милдеттерине, депутаттардын укуктарына, мамлекетибиздеги элдик бийликке, демократияга шек келтирүүгө укугум дагы, ниетим дагы жок. Кандайдыр бир эмоцияга алдырып, ашыкча сөз айтсам, расмий түрдө жалпы депутаттардан кечирим сурайм”, — деди Байсалов.
Төрага Нурланбек Шакиев Байсаловдун маселеси президент, Акылбек Жапаров, вице-спикерлердин жана 6 фракциянын лидерлери менен болгон жолугушууда каралганын айтты.
«Акыркы эскертүү, эгерде дагы парламенттин дарегине шек келтире турган орунсуз сөздөр болсо кескин чарага барабыз»,- деди Шакиев.
