КРнын Эгемендүүлүк күнүн Ош облусунда белгилөөгө байланышкан даярдык иштери кызуу жүрүп жатат. Бул тууралуу министрлер кабинетинин маалымат кызматы кабарлады.
Президенттин жана министрлер кабинетинин чечимдерин даярдоо боюнча башкармалыктын начальниги Айбек Жунушалиев өткөргөн көчмө жыйынга майрамды уюштуруу жана өткөрүү боюнча жумушчу тобу, президенттин Ош облусундагы өкүлү, Ош шаарынын мэри жана жергиликтүү мамлекеттик бийликтин өкүлдөрү катышты.
Белгилей кетсек, өлкөнүн Эгемендүүлүк күнүнө карата бир катар инфраструктуралык объектилер реконструкцияланууда жана жаңы курулуш иштери жүргүзүлүүдө.
Жунушалиев борбордук аянтта өтүшү пландалган иш-чаралардын даярдыктары менен дагы таанышып, иштерди ыкчам жүргүзүүнү тиешелүү мамлекеттик органдарга тапшырды.
