Эмдөдөөдөн өтпөгөн балдар мектепке кабыл алынбайт. Бул тууралуу билим берүү жана илим министринин орун басары Лира Самыкбаева билдирди.
Бул тиешелүү токтом менен бекитилген. Анын айтымында, мектепке кабыл алуу санариптештирилип, баланы каттоо автоматтык түрдө жүргүзүлүүдө. Бала эмдөөлөрдү алганы боюнча маалым катты 15-августтан кийин мектепке алып баруу керектигин Самыкбаева белгиледи.
Ошондой эле ал электрондук күбөлүк менен мектепке каттоо дагы бириктирилип, окуучунун жеке маалыматтары дагы дароо толтуруларын кошумчалады.
