Бишкекте Эркиндик бульварынын сол тарабында эки тарапка унаа токтотууга тыюу салынды. Бул тууралуу мэриянын басма сөз кызматы билдирди.
Маалыматка ылайык, автоунааларды стихиялуу токтотууну жана дөңгөлөктүү фудкортту тартипке келтирүү максатында кошумча жол белгилери орнотулду. Чүй проспектисинен Түгөлбай-Ата (Линейная) көчөсүнө чейин бульвардын боюнда “Токтотууга болбойт” деген он эки жол белгиси коюлду.
Белгилей кетсек, акимчиликтин борбор калаанын кызматтары менен биргелешкен ишинин натыйжасында шаардыктардын жана жол кыймылынын коопсуздугу камсыз кылынды.
