Франциянын жараны Бишкек ШИИБнин убактылуу кармоочу жайына 2 айга камакка алынды. Ал алдамчылыкка шектелүүдө. Бул тууралуу Кыйноолорду алдын алуу боюнча улуттук борбордун алдын ала отчетунда айтылат.
Маалыматка ылайык, 16-мартта Чүй облусунун жана Бишкек шаарынын убактылуу кармоочу жайларына профилактикалык баруулардын жыйынтыгы боюнча брифингде жарыяланды.
Кармалган чет элдик жаран ресторатор, ал борбордогу премиум-ресторанынын ээси. Ал алдамчылыкка шектелип кармалган.
Алдын ала маалыматтарга ылайык, сөз Бишкектеги «La Maison» ресторанынын ээси Филипп Лаффорге жөнүндө болуп жатат. Учурда ал СИЗО-1де камакта.