Футбол боюнча дүйнө чемпионатынын жарым финалына чыккан командалар белгилүү болду.
Чемпионаттын расмий маалыматына ылайык, жарым финалда Франция, Испания, Англия жана Аргентина күч сынашат.
14-июлда Франция менен Испания беттешсе, 15-июлда Англия менен Аргентина финалга жолдомо үчүн таймашат.
Үчүнчү орун үчүн оюн 18-июлда АКШнын Майами шаарында өтөт. Ал эми чемпионду аныктай турган финалдык беттеш 19-июлда АКШнын Ист-Ратерфорд шаарындагы «MetLife Stadium» стадионунда болот. Арена 82 500 көрүүчүгө ылайыкталган.
Быйылкы дүйнө чемпионатынын жалпы байге фонду 650 миллион долларды түзөт. Чемпион болгон команда болжол менен 62 миллион доллар сыйлык алат.
Эске салсак, учурдагы дүйнө чемпиону- Аргентина. Ал эми быйылкы дүйнө чемпионаты АКШ, Мексика жана Канадада биргелешип өтүүдө.
