Тышкы иштер министрлиги россия жана египет тараптар менен биргеликте Газа тилкесинен чыгууну каалаган КРнын жарандарын эвакуациялоо иш-чараларын жүргүздү.
«Кыргызстандын чет өлкөлөрдөгү мекемелери менен Россия Федерациясынын Каир шаарындагы дипломатиялык өкүлчүлүгүнүн биргелешкен аракеттеринин натыйжасында ушул жылдын 4-декабрында Россиянын өкмөтү тарабынан уюштурулган чартердик рейс менен Газа тилкесинен Египет аркылуу Каир-Москва каттамы боюнча Кыргызстандын дагы эки жараны ийгиликтүү эвакуацияланды»,- деп берилет маалыматта.
Кыргыз тарап Газа тилкесинен Кыргызстандын жарандарын ийгиликтүү эвакуациялоого көрсөткөн жардамы үчүн бардык тараптарга ыраазычылык билдирет.
