«Гранд Электроникс Стафф» ишканасы «Кумтөр» кенинде тамак-аш кызматтарын көрсөтпөйт. Бул тууралуу «Кумтөр Голд Компани» ишканасынын басма сөз кызматы билдирди.
“Гранд Электроникс Стафф” ЖЧКсы “Кумтөр Голд Компаниде” тышкы башкаруу мезгилинде кызмат көрсөтүү менен алектенген жана 2022-жылдын майынан 2023-жылдын февралына чейин «Кумтөр» кен жайын тамак-аш менен камсыздап келген. «Кумтөр Голд Компанинин» башкармалыгынын чечими менен коомдук тамактануу кызматы өзүнө кайтарылган жана бул ишти толугу менен ишкананын өз кызматкерлери аркалоодо.
Эскерте кетсек, УКМК тарабынан «Гранд Электроникс Стафф» жоопкерчилиги чектелген коомунун эки жетекчиси кармалган.
