Индияда коронавирус инфекциясы күн сайын күчөөдө. Бул боюнча чет элдик басылмалар жазып чыгышты.
Бир сутка ичинде 332 миң 730 адамдан коронавирус аныкталса, 2 миң 200дөн ашуун адам каза болду. Бул сан пандемия башталгандан берки эң жогорку көрсөткүч.
Маалыматка ылайык, Индия коронавирус аныкталган адамдардын саны боюнча экинчи орунда турат. Өлкөдө “COVID-19” оорусунун 16 миллион 200 миңден ашык учуру катталган.
13 миллион 600 миңден ашуун адам айыгып, 186 миң 900 адам коронавирус жана ага байланыштуу оорулардан көз жумган.
Дарыланган адамдардын саны 2 миллион 422 миңден ашкан.