Ирандагы президенттик шайлоонун экинчи айлампасында реформачыл канаттын талапкери Масуд Пезешкиан жеңип, өлкөнүн тогузунчу президенти болду. Бул тууралуу РИА Новости жазды.
Пезешкиан шайлоодо 16 миллион 384 миң 403 добуш алса, атаандашы Саид Жалили 13 миллион 538 миң 179 добуш алган.
Кесиби боюнча дарыгер. Ал президент Мохаммад Хатаминин экинчи мөөнөтүндө (2001-2005) Ирандын саламаттык сактоо жана медициналык билим берүү министри болуп иштеген.
Ирандын президенти өлкөнүн жогорку лидери аятолла Али Хаменеиден кийинки экинчи күчтүү фигура болуп саналат.
Эске салсак, Ирандын буга чейинки президенти Эбрахим Раиси 19-майда тик учак кырсыгынан каза болгон.
