Италия өлкөсү Бишкек шаарына элчилигин ачып, эки өлкөнүн ортосундагы достук мамилени бекемдөөгө кызыктар. Бул тууралуу Тышкы иштер министрлигинин маалымат кызматы кабарлады.
Маалыматка ылайык, Кыргызстандын тышкы иштер министри Руслан Казакбаев Италияга жасаган алгачкы расмий иш сапарынын алкагында Италиянын тышкы иштер жана эл аралык кызматташтык министри Луижи Ди Майо менен жолугушкан.
Луижи Ди Майо кыргыз тарапка Римде элчилик ачканы үчүн ыраазычылык билдирип, бул Кыргызстан менен Италиянын ортосундагы достук мамилени жандантарына ишенимин айтты. Ошондой эле ал Бишкекте элчилик ачуу ниетин белгиледи.
Өз кезегинде Казакбаев бул ниетти жылуу кубаттады.
