Социалдык тармактарда УКМКнын башчысы Камчыбек Ташиевге «Аккула» ат майданында өткөн көк бөрү оюнуна билеттердин кымбаттыгынан улам көптөгөн жарандар келе албай жатканы тууралуу видеокайрылуу тарады. Алар билет баасы мурда 500 сом болсо, азыр 800 болуп кетиптир деп нааразы болушуп, көзөмөлгө алууну суранышты.
Бул видеодон кийин Kassir.kg компаниясынын башкы директору да видеокайрылуу жасап, кечирим сурап, Көк бөрү федерациясы менен келишим бар экенин, мындан ары бардык билеттерди 500 сомдон сата турганын билдирди.
