Астана шаарында өткөн V Дүйнөлүк көчмөндөр оюндары боюнча жыйын өттү. Анда Кыргызстандын Көк бөрү федерациясынын жетекчиси Рамис Жунусалиев Казакстандын командасын Ысык-Көлгө чакырганын билдирди.
Маалыматка ылайык, Кыргызстандын Көк бөрү федерациясы Ысык-Көлдө көкпар, көк бөрү боюнча «Биримдик» кубогун өткөрүү максатында Казакстандын командасын Ысык-Көлгө чакырган. Рамис Жунусалиев чакыруу катты казак тарапка бүгүн жөнөтүшкөнүн айтты.
«Көкпар федерациясын күнөөлүү деп эсептебейбиз. Финалда күнөө калыстардан, оюнчулардан кетип калды. Көкпар федерациясы менен мындан ары кызматташууга даярбыз. 1-ноябрда Ысык-Көлдө ошол эле курам менен «Биримдик» кубогун өткөрөлү деп бүгүн расмий түрдө Казакстанга кат жөнөттүк. Бул оюн, спорт. Эки элдин ынтымагы үчүн амбицияны сыртка таштап, бардык кадамдарга барганга даярбыз», — деди ал.
