Ырчы Кайрат Примбердиевди «Эмгек сиңирген артист» наамынан ажыратуу сунушталды. Бул тууралуу маданият, маалымат жана туризм министрлигинин басма сөз кызматы билдирди.
«Кайрат Примбердиевди “Кыргыз Республикасынын эмгек сиңирген артисти” наамынан ажыратуу боюнча маданият министрлининин сунушу Кыргыз Республикасынын Президентинин Аппаратына расмий жөнөтүлдү. Ошону менен бирге, министрликтин тиешелүү мекемелерине аталган ырчыларды Кыргыз Республикасынын маданият, маалымат жана туризм министрлиги тарабынан өткөрүлүүчү мамлекеттик маданий массалык иш-чараларга белгилүү мөөнөткө чейин катыштырбоо сунушталды», — деп берилет маалыматта.
Белгилей кетсек, Курал Чокоев “Маданияттын мыкты кызматкери” төш белгисинен ажыратылды.
