Жогорку Кеңештин бүгүнкү жыйынында депутат Балбак Түлөбаев абактан бошотулган Райымбек Матраимов тууралуу Улуттук коопсуздук мамлекеттик комитеттин төрагасы Камчыбек Ташиевге суроо узатты.
Ал Матраимов эмнеге абактан бошотулганын, бюджетке акча төлөп-төлөбөгөнүн тактады.
Ташиевдин айтуусунда, Райымбек Матраимов үй камагына чыкты. Ал кармалган учурда үч берене менен айып коюлган.
“Матраимов кармалганда 3 кылмыш ишин козгогонбуз: чек араны мыйзамсыз кесип өтүү, бейбаштык, кылмыштуу кирешелерди адалдаштыруу. 8 ай тергедик, 2 күн мурун чыгардык. Райым Матраимов Кыргызстандын бюджетине 200 млн доллар (17 млрд сом) төлөп, анын чыкты. Буга чейин 2,5 млрд сом төлөгөн. Жалпысынан Матримов бюджетке 19,5 млрд сом төлөдү. Анын баарын накталай төлөгөн жок, мүлкү менен да төлөдү. Мүлкүнүн баарын экспертизадан өткөрүп, баалап, арзан баада кылып алдык”, — деди УКМК төрагасы.
Посмотреть эту публикацию в Instagram
