Кечээ, 19-апрелде УКМК төрагасы Камчыбек Ташиев Сузак районунун Барпы жергесинде 5000ге чукул Орозо кармаган мусулмандарга ооз ачырды.
Ооз ачууга Сузак районунун жана Жалал-Абад шаарынын тургундары да чакырылды. Дин аалымдары тарабынан Орозонун пазилеттери тууралуу баян айтылып, жалпы өткөн момун-мусулмандарга арналып Куран окулду. Ооз ачууга аймактагы энелер өзгөчө сыйлуу конок катары чакырылып, сый-тамак тартууланды.
Камчыбек Ташиев чогулган элге сөз сүйлөп, кирип келген Орозо Айт майрамы менен куттуктады жана президент Садыр Жапаровдун саламын жеткирди. Жалпы жамаат өлкө тынчтыгын, өнүп өсүүсүн тилеп, өлкө жетекчилигине ак батасын берди.
