Чүй облусундагы Кара-Балта шаарында жайгашкан «Голден Магнат» ишканасынан өрт чыккан.
ӨКМден кабарлашкандай, кырсык 3-июнда болжол менен саат 22:16да катталган.
«Өрттү өчүрүүгө эки күжүрмөн эсеп тартылып, саат 02:00де күйүп жаткан өрт толугу менен өчүрүлдү. Кырсыктын кесепетинен кампанын болжол менен жалпы 250 чарчы метр жери күйгөн»- деп берилет маалыматта.
Ишкананын жетекчисинин маалыматына ылайык, кампанын ичинде 300 кг селитра жана бир тонна каустикалык сода болгон. Жабыркагандар жок.