Камчы Асанбектин уюшкан кылмыштуу тобунун активдүү мүчөсү Казбек Билалов кармалды. Бул тууралуу УКМКдан билдиришти.
Маалыматка караганда, 10-октябрда Асанбектин уюшкан кылмыштуу тобунун активдүү мүчөсү, “Казбек кара” деген ат менен белгилүү Билалов Бишкек шаарынын аймагынан кармалды.
Билалов буга чейин бир нече жолу сот жообуна тартылган. Ал Бишкек шаардык ички иштер башкармалыгынын убактылуу кармоочу жайына киргизилди.
Учурда УКМК тарабынан бул фактыга тиешеси бар башка адамдарды аныктоо жана издөө боюнча тиешелүү иш-чаралар улантылууда.
