Талас облусундагы Киров суу сактагычында жүргүзүлгөн рейддин жүрүшүндө жалпы узундугу 600 метрди түзгөн синтетикалык балык уулоочу торлор алынган. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалыматка ылайык, синтетикалык торлор балыктардын табигый жол менен көбөйүшүнө тоскоолдук жаратып, суудагы тирүү организмдердин жашоо чөйрөсүнө олуттуу зыян келтирет.
Ошондой эле жыл башынан бери аталган суу сактагычта жалпысынан 13 рейд өткөрүлүп, анын жыйынтыгында 3050 метр синтетикалык тор жана 250 килограмм таштанды чыгарылган
