Ысык-Көлдө өтө турган суу-мотор спорту боюнча UIM F1H2O дүйнө чемпионатынын жүрүшүндө коопсуздукту камсыздоо үчүн Өзгөчө кырдаалдар министрлигинин көчмө штабдары уюштурулду.
ӨКМдин Ысык-Көл облустук башкармалыгынын маалыматына ылайык, 31-июлдан 2-августка чейин өтө турган эл аралык мелдеш маалында өзгөчө кырдаалдардын алдын алуу, кырсыктарга ыкчам чара көрүү жана жеринде координация иштерин жүргүзүү үчүн бардык зарыл даярдыктар көрүлдү.
Мекеменин маалыматына караганда, иш-чара өтүп жаткан аймактарда атайын техникалар, өрт өчүрүүгө ылайыкталган катерлер жана куткаруучулар нөөмөттө турушат. Ошондой эле коопсуздук талаптарынын сакталышы тыкыр көзөмөлдөнөт.
