Өлкө аймагында көмүрдүн баасын убактылуу мамлекеттик жөнгө салуу киргизилди. Тийиштүү чечимге Кыргыз Республикасынын Министрлер Кабинетинин Төрагасы Улукбек Марипов кол койгон.

Аталган чечим көмүрдүн баасынын өсүү темпин кармап туруу, 2021/2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

Өлкө аймагында көмүрдүн баасын убактылуу мамлекеттик жөнгө салуу максималдуу бааны 90 күндүк белгилөө Монополияга каршы жөнгө салуу мамлекеттик агенттигине тапшырылды.

Монополияга каршы жөнгө салуу мамлекеттик агенттигинин жетекчиси Кеңешбай Тайлаков, бааларды бекитүү ар бир аймактагы көмүрдүн коруна жараша бекитилээрин билдирди.

«Көмүрдүн баасы корунан көз каранды болууда. «Кыргыз көмүр» ишканасы быйыл көмүр жеткирүү ишин кеч баштады. Андыктан баалар көмүрдүн көлөмүнө карап жогорулап кетип жаткан учурлар болуп жатат. Министрлер кабинетинин чечими бизге бүгүн келип түштү, ашыгы менен 1 жуманын ичинде ар бир аймактын өзгөчөлүгүнө карап максималдуу бааларды бектип беребиз жана ошону көзөмөлдөйбүз» -дейт Тайлаков.

Ошондой өлкө өлко ичинде Кара-Кеченин көмүрү тартыш болуп жатканын, башка көмүр кендеринде, кампаларда көмүрдүн кору жетиштүү экендигин эскертти.