КРнын Өзгөчө кырдаалдар министри Бообек Ажикеев атышуу болуп жаткан кыргыз -тажик чек арасына жакын Көк-Таш айылына жөнөп кетти. Бул тууралуу ӨКМдин басма сөз кызматы 29-апрель кечки саат 16:32де маалымат чыгарды.
«Баткен облусунун Ак-Сай айыл өкмөтүнө караштуу Көк-Таш айылындагы чек-арага
маселеси боюнча Кыргызстан менен Тажикстандын ортосунда чыр чатактардын күч алганынан байланыштуу Кыргыз Республикасынын Өзгөчө кырдаалдар министри Бообек Ажикеев жерине жөнөп кетти. Эскерте кетсек, ӨКМдин Баткенге караштуу Үчүнчү өзүнчө издөө-куткаруу отрядынан куткаруучулары учурда Ак-Сай айылында»,-деп жазылган.
Ушул тапта Баткен облусунун аймактык ооруканасына жарадар болгон 7 жаран жаткырылган, алардын экөөсүнүн абалы оор.
“Жай тургундар эвакуацияланды, атышуу болгон жерден дагы 15ке жакын жабырлануучунун келиши күтүлүүдө”, — деп айтылат ӨКМдин маалыматында.