Кочкордо жол кырсыгынан бир адам каза болду. Бул тууралуу ӨКМнын басма сөз кызматы билдирди.
Маалыматка ылайык, Кочкор районунда Бишкек-Нарын-Торугарт унаа жолунун 180-чакырымында «Skoda Octavia» үлгүсүндөгү унаанын айдоочусу рулга ээ боло албай жолдун четиндеги бетон тосмону сүзгөн.
Кырсыктын кесепетинен бир эркек киши каза болуп, экинчиси жаракат алган.
Жерине 4 куткаруучу тартылып, каза болгон жаранды тез жардам кызматына өткөрүп беришкен.