Ысык-Көлдө түп суусунун жээгин бекемдөө иштери уланууда. Бул тууралуу Өзгөчө кырдаалдар министрлигинен билдирди.
Маалыматка ылайык, 13-апрелде аба ырайынын кескин жогорулашына байланыштуу Түп суусунун көлөмү көбөйүп, жайыт жана айдоо жерлеринин жээктерин жеп кетүү коркунучун жараткан. Кооптуулуктан арылтылып, жээктерди бекемдөө иштери улантылууда.
18-апрелге карата Түп районунун Арал айылына караштуу бир кашары корголуп, 350 метр жээк бекемделип, таш тизүү жумушу башталды.
Ал эми Сары-Тологой айылында 50 метр жана Кең-Суу айылында суу жээгинин 100 метри бекемделди. Учурда Түп суусунун көлөмү секундасына 90 м3 кубду түзүп жатат.