Адам өлтүрүүгө шектүү кармалды. Бул тууралуу Милициянын кайгуул кызматы билдирди.
Маалыматка караганда, 16-апрелде болжол менен саат 14:10 чамасында Бишкек ШИИББнин “102” кызматына Ж.Жолундагы Аламүдүн суусунун көпүрөсүнүн алдында аял кишинин жансыз денеси жатат деген маалымат келип түшкөн.
Жерине ошол замат милициянын кайгуул кызматкерлери барып, маалыматты тактаганда окуя болгон жерде азият түспөлүндөгү болжол менен жашы 40-45 жаштагы аял кишинин жансыз денеси табылган. Кылмышка шектүү жаран окуя болгон жерден качып кеткен.
Милициянын кайгуул кызматкерлери ыкчам издөө иш-аракеттерин жүргүзүп, кылмыш изи суй электе кылмышка шектүү катары 1995-жылы туулган Т.С аттуу жаранды кармашып, Свердлов райондук ИИБнын Тергөө кызматына жеткиришкен.
Бул факты Кылмыштардын бирдиктүү реестрине катталып, сотке чейинки өндүрүшкө алынды.
