Москванын Басман райондук соту “Крокус Сити Холл” концерттик залындагы кол салууга шектелип жаткан Мухаммадсобир Файзовду 22-майга чейин камады. Бул тууралуу РИА Новости билдирди.
Буга чейин Далержон Мирзоев, Саидакрами Рачабализода жана Шамсидин Фаридуни темир тордун артына жөнөтүлгөн.
Сот тергөөчүнүн сунуштамасын канааттандырып, Файзов Мухаммадсобир Зокирчоновичтин баш коргоо чарасын эки айга камакка алуу менен тандады.
Эскерте кетсек, «Крокуста» болгон терактынын кесепетинен каза болгондордун саны 137 адамга жеткен. Аларды ичинен үчөө балдар. 24-март Россияда Аза күтүү күнү деп жарыяланган.
