Бишкек шаарынын Октябрь райондук прокуратурасы Б. уулу А. аттуу жалган прокурор кармалып, Бишкек ШИИБнин убактылуу кармоочу жайына киргизилди. Бул тууралуу Башкы прокуратуранын басма сөз кызматы билдирди.
Билдирүүгө ылайык, ал өзүн прокуратура кызматкери катары тааныштырып, А.Э.Д. аттуу жаранды кылмыш жоопкерчилигине тартамын деп коркутуп, анын уюлдук телефонун жана 50 000 сом өлчөмүндөгү накталай акчасын алган.
Тергөөнүнүн жүрүшүндө, кармалган жаран социалдык тармактар аркылуу өзүн Бишкек шаардык прокуратурасынын кызматкери катары көрсөтүп, прокуратура органдарынын формалык кийимин кийип түшкөн сүрөттөрдү жайгаштырып, ошондой эле белгилүү бир акча каражаттары үчүн юридикалык маселелер боюнча өзүнүн кызматтарын сунуштап келгендиги аныкталган.
Учурда шектүүнүн ушул сыяктуу дагы башка кылмыштарга катышы аныкталууда.
