Кыргыз-кытай мамлекеттик чек ара тилкесинде жайгашкан “Торугарт-автожол” жана “Эркечтам-автожол” өткөрүү жайлары 1-майда убактылуу жабылат. Бул тууралуу Кыргызстандын Чек ара кызматын билдирди.
Маалыматка ылайык, чек арадагы өткөрүү пункттары кытай тараптын демилгеси менен Кытайда «Эмгек күнү» майрамдалгандыгына байланыштуу жабылат.
«Адамдарды, транспорт каражаттарын жана жүктөрдү “Эркечтам-автожол” жана “Торугарт-автожол” бекеттери аркылуу өткөрүү 2-майда кайрадан жанданат», — деп берилет маалыматта.
