Кыргыз-тажик чек арасындагы атышуудан 11 жаран жаракат алды. Бул тууралуу Саламаттык сактоо министрлигинин басма сөз кызматы билдирди.
«Бүгүн, 16-сентябрда саат 10:00дө Баткен облустук бириккен ооруканасына 11 жабырлануучу түшкөн. Абалы жана диагнозу тууралуу маалымат кийинчерээк берилет. Баткен облусундагы бардык саламаттыкты сактоо уюмдары жана тез жардам кызматы күчөтүлгөн режимге өткөрүлдү. Ооруканаларда медициналык жардам көрсөтүү үчүн кандын компоненттеринин, дары-дармектердин жана медициналык буюмдардын жетиштүү көлөмү бар»,-деп берилет билдирүүдө.
