Баткенде кыргыз-тажик чек арасындагы ок атышууда кыргыз эки аскери жаракат алган. Бул тууралуу Саламаттык сактоо министрлигинин басма сөз кызматы билдирет.
Билдирүүгө ылайык, учурда бир жабырлануучу Лейлектеги ооруканада, алгачкы хирургиялык дарылоо жүргүзүлгөн, абалы орто.
Ал эми, экинчи жабырлануучуга алгачкы медициналык жардам көрсөтүлгөндөн кийин, канааттандырарлык абалда болуп амбулатордук дарылоого жөнөтүлгөн.
Эскерте кетсек, 12-апрелде кыргыз-тажик чек арасында ок атышуу орун алган. Экинчи жолу ок атышууда кыргыз жоокери жарадар болгон.
Чек ара кызматынын акыркы маалыматына таянсак, аймакта абал салыштырмалуу туруктуу.