1-декабрдан 3-декабрга чейин «Кызыл-Кыя-автодорожный» көзөмөл-өткөрүү пункту аркылуу кыймылга чектөө киргизилет. Бул тууралуу Мамлекеттик Бажы кызматы билдирди.
Маалыматка ылайык, 1-декабрдан 3-декабрга чейинки аралыкта КРнын “Кызыл-Кыя-Автодорожный” жана Республика Өзбекстандын “Өзбекстан-Автодорожный” көзөмөл-өткөрүү пунктарында жолдун үстүн жаңыртуу, асфальт төшөө, асфальттоо иштери катарлаш жүргүзүлүп жатканына байланыштуу автотранспорттордун бул посттор аркылуу жүрүшү чектелет.
Буга байланыштуу белгиленген мөөнөттө кыргыз-өзбек мамлекеттик чек арасынан жүктөрдү жана транспорттук каражаттарды өткөрүү «Достук-автодорожный» өткөрүү пункту аркылуу ишке ашырылат.
Белгилей кетсек, 2021-жылдын 4-декабрынан тарта «Кызыл-Кыя-автодорожный» өткөрүү пункту штаттык режимде иштей баштайт.