Министрлер кабинети регенерациялануучу кагазды жана картонду (макулатура жана калдыктар) Кыргызстандан экспорттоого убактылуу тыюу салды.
Тиешелүү токтомго Министрлер кабинетинин төрагасы Адылбек Касымалиев кол койду.
Документке ылайык, ЕАЭБ ТЭИ ТН 4707 коду менен классификацияланган регенерациялануучу кагазды жана картонду өлкөдөн сыртка чыгарууга алты айлык мөөнөткө тыюу салынат.
Чектөө транзиттик жүктөргө жана Министрлер кабинети тарабынан көрсөтүлүүчү гуманитардык жардамга жайылтылбайт.
Ошондой эле тиешелүү мамлекеттик органдарга токтомдун аткарылышын камсыз кылуу боюнча тапшырмалар берилди.
