Өлкөдө «Социалдык контракт» долбоорунун алкагында республика боюнча 2800 жакыр үй-бүлө 100 миң сом өлчөмүндө акча алышты. Бул тууралуу Эмгек, социалдык камсыздоо жана миграция министрлигинен басма сөз кызматы билдирди.
Маалыматка караганда, грант жакыр үй-бүлөлөргө жеке бизнесин баштап жакырчылыктан чыгуу максатында берилген.
“Долбоордун катышуучулары айыл чарба, кызмат көрсөтүү, тигүү иши, үй чарбасы, соода тармактарында бир нече айдын ичинде эле ишкердик ишмердүүлүктө ийгиликтүү ишке ашырып жатышат”,-деп берилет маалыматта.
