Кыргызстандын көп аймактарында электр кубаты жапырт өчүп, учурда кайра калыбына келтирүү иштери жүрүп жатат.
Расмий маалыматка ылайык, 220 киловольт чыңалуудагы “Кара-Балта — Главная” жана “Главная — Шу” электр берүү линияларында авария болгон.
Бул тууралуу “Кыргызстан улуттук электр тармагы” ишканасынан билдиришти.
Маалыматка ылайык, авариянын натыйжасында жүктөмдү автоматтык түрдө өчүрүүчү системалык автоматика ишке кирген.
«Учурда ишкана тарабынан электр менен камсыздоону калыбына келтирүү иштери кызуу жүргүзүлүүдө. Технологиялык үзгүлтүктүн келип чыгуу себептери такталууда», -деп айтылат маалыматта.
