10- июлда Кытай–Кыргызстан–Өзбекстан темир жол долбоорун ишке ашыруу маселелери талкууланды. Бул тууралуу Транспорт жана коммуникациялар министрлиги билдирди.
Маалым болгондой, жолугушууга транспорт жана коммуникациялар министринин орун басары Алмаз Тургунбаев жана Кытай темир жолдор корпорациясынын башкармалыгынын мүчөсү Ван Цзиньси баштаган өкүлдөр катышты.
Жолугушууда долбоордун курулуш иштери активдүү жүрүп жатканы белгиленип, негизги эл аралык жана инвестициялык келишимдер түзүлгөнү, башкы подрядчы аныкталып, каржылоо маселелери чечилгени айтылды. Учурда тоннелдерди, көпүрөлөрдү жана башка инфраструктуралык объектилерди куруу иштери жүргүзүлүүдө.
Жолугушуунун жыйынтыгында тараптар долбоорду өз мөөнөтүндө ишке берүү үчүн курулуш иштеринин темпин күчөтүү боюнча кызматташууну улантарын билдиришти.
