Кыргызстанда 9–12-июль күндөрү Франциянын Куралдуу күчтөрүнүн эксперттер делегациясы жумушчу сапар менен жүрөт.
Коргоо министрлигинин маалыматына ылайык, сапардын алкагында француз адистери Кыргызстандын Куралдуу күчтөрүнүн тоо даярдыгынын өзгөчөлүктөрү менен таанышып, келечекте эки өлкөнүн аскер бөлүктөрү менен биргелешкен тоо даярдыгы боюнча машыгууларды өткөрүү мүмкүнчүлүктөрүн карап жатышат.
Министрликтен белгилешкендей, бул иш-чара Кыргызстан менен Франциянын ортосундагы эки тараптуу аскердик кызматташтыктын алкагында өтүүдө.
Анын негизги максаты – заманбап чакырыктарды жана коркунучтарды эске алуу менен аскер кызматкерлерин тоо шартында даярдоо боюнча тажрыйба алмашуу жана кызматташтыкты өнүктүрүү.
