Кытайдын түндүк-батышындагы Синьцзян-Уйгур автономдуу районундагы жер титирөөдөн 47дей үй толугу менен кыйрап, алты адам жабыркады.
РИА Новости «Синьцзян жибао» гезитине таянып, Синьцзян-Уйгур автономдуу районундагы Аксу округунда жер титирөөнүн магнитудасы 7,1ге жеткенин жазып чыкты.
«Жер силкинүүдөн 47 үй толугу менен кыйраса, 78 там жарым-жартылай бузулган. Жаратылыш кырсыгынан эки адам оор, төрт киши жеңил жаракат алган. Жабыркаган калктуу конуштарда электр энергиясы, жылуулук, суу калыбына келтирилген»,- деп берилет маалыматта.
Эске салсак, жер титирөө Кыргызстанда болду. ӨКМ түнкү жер титирөө 3 баллдан 6 баллга жеткенин билдирген.
