7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Сентябрь 2022
Пн Вт Ср Чт Пт Сб Вс
 1234
567891011
12131415161718
19202122232425
2627282930  
  • social_icon
  • social_icon
  • social_icon
  • social_icon
Бишкек, KG
18°C

Кытайдын жарандарын карактап кетишкен чет өлкөлүк жарандар кармалды

162

Кытайдын жарандарын карактап кетишкен чет өлкөлүк жарандар кармалды. Бул тууралуу ИИМдин басма сөз кызматы билдирди.

Маалыматка ылайык, Свердлов райондук ички иштер башкармалыгына Кытайдын жараны Ч.Я. кайрылып, анын үйүнө кирип, каракчылык кылып, ири өлчөмдө материалдык зыян келтирген кылмышкерлерге карата чара көрүүнү суранган.

Алдын ала маалыматтар боюнча, ушул жылдын 13-сентябрында саат 17:00 чамасында Бишкек шаарынын көчөлөрүнүн биринде жайгашкан батирге белгисиз адамдар киришкен. Кол салгандар тапанча менен коркутуп, физикалык күч колдонуу менен Кытайдын жаранын (аял кишини) байлап коюшкан, андан соң күйөөсүнүн келишин күтө башташкан.

Саат 23:00 чамасында Кытайдын жараны 1993-жылы туулган Ч.Л. (күйөөсү) үйгө келгенде, кол салгандар ага физикалык күч колдонушуп, курал менен коркутушуп, акча жана баалуу буюмдарды талап кыла башташкан. Кол салгандар 100 миң сом өлчөмүндөгү акча каражатын, уюлдук телефондорду, планшеттерди жана ноутбуктарды тартып алышып, качып кетишкен. Жабыркагандарга олуттуу материалдык зыян келтирилген.

Бул факт Кылмыштардын бирдиктүү реестрине катталып, Бишкек шаарынын Свердлов РИИБи тарабынан Кылмыш-жаза кодексинин 207-беренеси “Каракчылык” менен кылмыш иши козголгон.

Жүргүзүлгөн ыкчам-издөө иштеринин натыйжасында шектүү жарандар аныкталып, кармалган. Кармалгандар КМШ мамлекеттеринин жарандары 2000-жылы туулган А.Б. жана 1991-жылы туулган Х.Б. болушкан.

ИИМдин Кылмыш иликтөө башкы башкармалыгынан билдиришкендей, каракчылыкка катышкан кылмышкерлер “ишке” кылдат даярданышкан. Кармалгандардын жашаган жерине тинтүү учурунда Макаров тапанчасына окшош курал, шаймандардын жана жабдыктардын топтому, анын ичинде дрондор табылып, алынган.

Шектүүлөрдүн башка кылмыштарга тиешеси бар же жоктугу текшерилип, иликтөө иштери жүргүзүлүүдө.

Добавить комментарий

Ваш адрес email не будет опубликован.

163